كَـــلت أحبـــــــــّـــــــــــــــــك

كلت احبّك
وانت يعيوني عليكْ
بسرعة قفّلتْ القلبْ

أنت خايف لو أحبّك
شنو يعني ..تعتقد لمّا أحبّك
يعني أعلنت الحربْ؟

كلت احبّكْ ...يعني سميّك مُحبْ
يعني أعطيتك حياتي
يعني بيدك أمنياتي
يعني لو حتّى اعوفكْ
أبقى افكر بيك
واشعر بالذنبْ

كلت احبّك
انت تدري شنو يعني
تكون أنتْ الذكريات
تكون ماضي ..ثمّ. حاضر
ثمّ مستقبل حياة؟
يعني دربك هو آني
وانتَ لي أحلى دربْ


راح أصرخ آنا احبّك
رغم عن كلّ الصدى
وامتلكْ حسّك وقلبكْ
حتى لو تبعد إلى آخر مدى
واذا تسأل ليش احبّك
خللي قلبي اللي سرقته
هو ينطيك السببْ


احسان مصطفى